28 августа 2013 г.
Çурла уйăхĕн 1-мĕшĕнчен пуçласа 31-мĕшĕччен республикăра "Трактор" операци иртет. Уйăхлăх тапхăрĕнче Чăваш Енри Патшалăх техсăнав тата ГИБДД инспекторĕсем техника тытакансем хăйсен "хурçă учĕсене" техтĕрĕслев кăларнипе кăларманнине тата транспорт налукне тÿленипе тÿлеменнине тĕрĕслесе палăртаççĕ. Кивелнĕ тата юрăхсăра тухнă тракторсене тупсан хуçисене вĕсене регистраци учетĕнчен илсе утилизацилеме ыйтаççĕ.
Юсавлă тата вăхăтра техтĕрĕслев тухнă трактор çул çинче хăрушлăх кÿмĕ, хуçисене те йывăр лару-тăрăва кĕртсе ÿкермĕ.
Д.ГУСЕВ,
РФ ШĔМĕн районти ГИБДД пайĕн начальникĕ.