23 августа 2013 г.
Пушкăрт Республикинчи Салават хулинче 1996-1998 çулсенче çуралнă хĕрсен хушшинче ирĕклĕ майпа кĕрешсе Иван Ярыгин фончĕн парнисене çĕнсе илессишĕн Пĕтĕм Раççейри турнир иртнĕ. Ăмăртăва Раççейри пилĕк регион тата Казахстанăн командисем хутшăннă. Чăваш Ен чысне Канаш хулин, Вăрнар поселокĕн, Çĕнĕ Шупашкарти ачасемпе çамрăксен Совет Союзĕн Геройĕ В.Кочков ячĕллĕ спорт шкулĕн спортсменĕсем, пурĕ 11-ĕн, хÿтĕленĕ.
Команда пухмачĕнче – медаль. Çитĕнÿре канашсен тÿпи те пур: хăйсен виçе категорийĕсенче Е.Сергеева "кĕмĕл", В.Самылинăпа А.Салихова "бронза" çĕнсе илнĕ. Виççĕшĕ те – С.Сергеев тренерăн воспитанникĕсем.
В.АЛЕКСЕЕВ хатĕрленĕ.