28 июня 2013 г.
Çĕртме уйăхĕн 23-мĕшĕнче каçхине çичĕ сехет тĕлнелле "Çĕрпÿ-Ульяновск" автоçул çинче, Анат Сурăм ялĕ çывăхĕнче, автоинкек пулса иртнĕ. Елчĕк районĕнче пурăнакан водитель Çĕрпÿ хули енчен Канашалла килнĕ, руль управленине çухатнипе унăн автомашини вырăнта çаврăнса илнĕ, унтан хирĕç килекен автотранспорт çулĕ çине каçса кайнă. Унта автомашина хыçалти пайĕпе Шупашкар районĕнче пурăнакан водителĕн "семеркине" лектернĕ. Çăмăл автомашина инерципе çул хĕрринче ларакан ВАЗ-21099 çине пырса кĕнĕ.
Автоинкекре аманнă çынсене Канашри хула больницине тата районти тĕп больницăна леçнĕ.
Д.ГУСЕВ,
РФ ШĔМĕн районти ГИБДД пайĕн начальникĕ.