14 июня 2013 г.
Çар тумĕ тăхăннă сăпайлă та илемлĕ мăшăр çине ăмсанмасăр пăхма май çук. Чăннипех те кăмăллă та кăсăклă. Камсем-ха вĕсем;
Янкăлчри вăтам шкултан лайăх паллăсемпе вĕренсе тухсан Вера республикăн Шупашкарти ял хуçалăх академине, Андрей Коломенскри аслă çар училищине вĕренме кĕнĕ. Алла диплом илсен пĕр-пĕрне савакан чунсем пĕрлешнĕ. Шăпа вĕсене Байкал тăрăхне илсе çитернĕ. Вера та мăшăрĕ пекех çар çынни пулса тăнă.
Нумаях пулмасть Андрейпа Вера Даниловсем пĕчĕк Данилăпа тăван ене отпуска килсе кайрĕç. Ял-йыш, тус-тăванĕ пуçтарăнса Андрее çуралнă кун ячĕпе хĕрÿллĕн саламларĕç, Верăна кĕтекен иккĕмĕш ачана сывă та ăнăçлă çуратма ырлăх-сывлăх, çирĕп вăй-хал сунчĕç.
Ю.НИКОЛАЕВ.
Çĕнĕ Юнтапа ялĕ.