05 июня 2013 г.
Çулталăк пуçланнăранпа район территорийĕнче çул çитмен çамрăксем саккуна пăснă 12 тĕслĕхе шута илнĕ. Пĕлтĕр çак тапхăрта чылай сахалрах преступлени тунăччĕ. Кунта тĕрлĕ шайри преступленисене регистрациленĕ. Ачасем тунă преступленисен шайĕ 14,6 процентпа танлашнă, республикăра – 4,8 процентпа.
Усал ĕç тунă çĕре хутшăнакансен йышĕ те ÿсет. Ытларах чухне 14-15 çулти ачасем пуçтахланаççĕ. Çÿлерех асăннă 16 преступленирен 9-шне пирĕн район территорийĕнче пурăнман ачасем тунă.
Ачасем саккуна пăсассине профилактикăлас тĕл-левпе пирĕн республикăра, районта та, "Условник" операцин иккĕмĕш тапхăрĕ иртрĕ. Мероприяти пынă тапхăра условно майпа айăпланнă, районти полици органĕсенче учетра тăракан çамрăксене (кунашкалли 2 ача) вĕсем пурăнакан, вĕренекен вырăна тухса хăйсене мĕнле тытнине тĕрĕсленĕ. Ачасем хăйсем тунă йăнăша ăнланса илсе малашне усал ĕçпе ан çыхланччăр тесе ашшĕ-амăшĕпе тĕл пулса калаçнă, асăрхаттарусем тунă. Операци вăхăтĕнче условно майпа айăпланнă пĕр çамрăк суд приговорĕпе çирĕплетнĕ йĕркене пăснине палăртнă.
Л.АНТОНОВА,
çул çитменнисемпе ĕçлекен аслă инспектор.