15 мая 2013 г.
Районта Пĕтĕм тĕнчери ташă кунне халалласа "Чун ташши" ятпа пултарулăх конкурсĕ иртнĕ. Ăна пуçараканĕ тата йĕркелекенĕ ачасен хушма пĕлĕвĕн Сиккассинчи ÿнер шкулĕ. Директорĕ – Е.Дмитриева. Ачасене çулĕсене кура тăватă ушкăна пайланă.
Тÿресен сĕтелĕ хушшинче – районти ял тăрăхĕсен тĕп культура çурчĕн директорĕ О.Микушина, халăх пултарулăхĕн методисчĕ Л.Никифорова, районти ачасен пултарулăх центрĕн директорĕ И.Степанова. Хăйсен ушкăнĕсенче Шăхасанти ача сачĕн "Искринки" ансамблĕ, Сиккасси вăтам шкулĕн "Хĕвел пайăркисем" ташă коллективĕ, Янкăлч вĕтам шкулĕн "Кадетсем" тата "Ĕнчĕ пĕрчи" ансамбльсем мала тухнă.
А.ВИТАЛЬЕВ.