24 апреля 2013 г.
Кăçалтан пуçласа кашни çулах ака уйăхĕн 21-мĕшĕнче çĕнĕ профееси уявне – Вырăнти хăй тытăмлăх кунне паллă тăвĕç. Янкăлч ял тăрăхĕнче ĕçлекенсем ăна ĕçри хавхаланупа кĕтсе илчĕç. Пурте аслă пĕлÿ илнĕ, тивĕçе тÿрĕ кăмăлпа пурнăçласа пыраççĕ, ял çыннисен шанăçне тÿрре кăларма тăрăшаççĕ. Вĕсем – ял тăрăхĕн пуçлăхĕн çумĕ Ольга Васильева, вырăнти хăй тытăмлăх органĕнче 2006 çултанпа ĕçлет, Эльвира Русскова эксперт специалист, пĕрремĕш разрядлă специалист Светлана Иванова тата çарпа учет ĕçĕн инспекторĕ Надежда Семенова. Ял тăрăхĕ социаллă пурнăçпа экономика ăмăртăвĕнче, конкурссемпе смотрсенче пĕрре мар мала тухнинче вĕсен тÿпи те пур.
Ял тăрăхĕн хальхи тĕп задачисем - ялсен пурнăçне активлă хутшăнасси, тирпей-илем кÿрес енĕпе ĕçлессине вăйлатасси.
О.ГАВРИЛОВА.