07 декабря 2012 г.
Халăхăн йăли-йĕрки, уявĕсем ăс-хакăлпа шухăш-кăмăл культурин уйрăлми пайĕ пулса юлнă. Шăпах вĕсем ĕнтĕ наци ÿнерĕпе пĕрле халăхăн чунне уçса параççĕ, унăн пурнăçне илемлетеççĕ, ăрусен çыхăнăвне çирĕплетеççĕ.
Ытлари кун "Энтрияль" фольклорăн темиçе номерне Чăваш наци радиовĕ ирттерекен "Иксĕлми çăлкуç" конкурс валли çырса илчĕç. Çырнă çĕре республикăри халăх пултарулăх çуртĕнчи йăлана кĕнĕ халăх пултарулăх пайĕн заведующийĕ С.Лаврентьева тата В.Егоров радиожурналист хутшăнчĕç. Вĕсем ансамбль коллективне Шупашкарта раштавăн 22-мĕшĕнче иртекен концертăн финалне йыхравларĕç.
"Энтрияль" ансамбль çинчен хатĕрленĕ передача юн кун Наци радиовĕн эфирне тухнă.
А.ВИТАЛЬЕВ.