05 апреля 2013 г.
Республикăн "Чи лайăх вĕрентекен – 2013" конкурсĕн районти тапхăрĕ икĕ турпа иртрĕ. Финала улттăн тухрĕç: Л.Антонова (Сиккасси шкулĕ), С.Антонова (Пайкилт), О.Иванова (Катек), И.Агафонова (Вăтапуç), И.Крылова (Шăхасан) тата О.Краснова (Аслă Мами).
Пултарулăх тупăшăвĕ икĕ куна пычĕ. Малтанхи кунĕнче "Методика семинарĕ" тата "Ашшĕ-амăш пухăвĕ" форматпа тĕрĕслевсем витĕр тухрĕç, иккĕмĕшĕнче – вĕренÿ занятийĕ тата класс сехечĕ ирттерчĕç. Пĕрремĕш тата иккĕмĕш тапхăрсенчи балсен сумми тăрăх районта "Чи лайăх вĕрентекен – 2013" ята А.И.Миттов ячĕллĕ Сиккасси вăтам шкулĕн пуçламăш классене вĕрентекен Л. Антонова çĕнсе илчĕ. Лидия Алексеевна район чысне республикăра хÿтĕлĕ. Иккĕмĕшпе виççĕмĕш вырăнсене Шăхасан тата Вăтапуç шкулĕсен педагогĕсем И.Крыловăпа И.Агафонова йышăнчĕç.
А.ТЯМИНА.