21 ноября 2012 г.
Район депутачĕсен Пухăвĕн XXIII ларăвĕ иртрĕ. Ăна район пуçлăхĕ-Пуху председателĕ И.Иванов ертсе пычĕ. Кун йĕркине кĕртнĕ ултă ыйтăва пăхса тухрĕç.
Районăн 2013 çулхи бюджечĕ тата 2014-2015 çулсене планланă тапхăр çинчен район администрацийĕн финанс пайĕн пуçлăхĕ А.Поляков тухса калаçрĕ. Бюджет проекчĕн экспертизин кăтартăвĕсем çинчен районăн тĕрĕслевпе шутлав органĕн председателĕ В.Салдаев каласа пачĕ. Пуху йышăнăвĕ 2013 çулхи кăрлачăн 1-мĕшĕнчен вăя кĕрет. Депутатсем районăн кăçалхи бюджетне улшăнусем кĕртрĕç.
Район пурлăхĕ шутланакан çĕр лаптăкĕсене арендăна панипе вырăнти бюджета мĕн чухлĕ тупăш кĕнине тĕрĕслесе тăма (К 3) коэффициента тата район пурлăхне Раççей Федерацийĕн пурлăхне кĕртме тăратнă куçăмлă пурлăхсен списокне çирĕплетрĕç.
Район администрацийĕн вĕрентÿ управленийĕн тĕп эксперт специалисчĕ А.Павлова район депутачĕсен Пухăвĕ çумĕнче Çамрăксен парламенчĕ йĕркелесси пирки сăмах каларĕ. Депутатсем сĕнĕве тĕпе хурса тивĕçлĕ йышăну кăларчĕç.
В.АЛЕКСЕЕВ.