17 октября 2012 г.
Иртнĕ эрне кун Пĕтĕм Раççейри курав центрĕнче Пĕтĕм Раççейри XIV "Ылтăн кĕркунне – 2012" агропромышленность куравне ирттернĕ. Унта çĕршыври çĕр ĕçченĕсенчен чи лайăххисене РФ Ял хуçалăх министерствин ведомство наградисемпе савăнăçлă лару-тăрура хавхалантарнă.
Награда илнисен йышĕнче пирĕн районтан та пурри кăмăла çĕклет. Агропромышленность производствинчи тава тивĕçлĕ ĕçсемшĕн, общество ĕçне хастар хутшăннăшăн "Раççей агропромышленность комплексĕн хисеплĕ ĕçченĕ" ята Киров ячĕллĕ ял хуçалăх производство кооперативĕн механизаторĕ О. Артизанов тивĕçнĕ.
Олег Валентиновича ăшшăн саламлатпăр, малашне те пысăк çитĕнÿсем тума ырлăх-сывлăх сунатпăр.
В.АЧЧА.