29 августа 2012 г.
Сентябрĕн 1-мĕшĕнчен пуçласа Раççейре ачасене курма юраман телевидени передачисене обязательнăй йĕркепе маркировка тăваççĕ.
Передачăсене пĕлтерĕшне тата ачасен ÿсĕмне кура "0Ç", "6Ç", "12Ç", "16Ç", "18Ç" графика паллисемпе уйăраççĕ. Çак паллă хăйĕн калăпăшĕпе телеканал логотипĕпе пĕр виçеллĕрех, экран çинче сакăр çеккунтран ытла тăмасть. Кунсăр пуçне, информаци продукчĕн паллине теле- тата радиопередачăсен программисенче те кăтартаççĕ. Информаци хăрушсăрлăхĕн пирвайхи паллисем ку эрне валли пичетленнĕ программăра пур.
"Ачасене вĕсен сывлăхне, аталанăвне сиен кÿрекен информацирен хÿтĕлесси" саккунпа килĕшÿллĕн 6 çула, 12, 16, 18 çула çитмен ачасене курма-итлеме юраман информаци продукчĕсене обязательнăй йĕркепе маркировкăламалла. Ку çĕнĕлĕх музыка каналĕсене те пырса тивет. Чылай чухне унта ачасене пăхма юраман видео клипсем кăтартаççĕ. Историпе илемлĕх, культура тĕлĕшĕнчи пысăк пĕлтерĕшпе çыхăнтарса хатĕрленĕ рекламăпа информацишĕн кунашкал чару çук.
Роскомнадзорăн Чăваш Енри управленийĕ.