17 августа 2012 г.
Районăн ĕçпе юрă тата спорт уявĕнче Чăваш Республикин Ял хуçалăх министерствин Хисеплĕ грамотипе наградăланисем хушшинче Янкăлч тăрăхĕнчи хресчен (фермер) хуçалăхĕн пуçлăхĕ Валерий Никонов та пур. Çак ĕçе вăл пахча-çимĕç ÿстерессинчен пуçланă. 2004 çулта выльăх ĕрчетме тытăннă. Йĕпреç районĕнчи Калинин ячĕллĕ ял хуçалăх кооперативĕнчен темиçе пăру илсе килнĕ. Майĕпен техника, ĕне сумалли аппаратсем туяннă, çĕнĕ вите тунă, çĕнĕ пÿрт лартма пуçланă.
Фермер хуçалăхĕнче кустăрмаллă икĕ трактор, "Полесье" комбайн, груз турттармалли икĕ машина пур. Тыр-пул, выльăх апачлĕх культурăсен лаптăкĕсем 600 гектар йышăнаççĕ.
В.АЧЧА сăн ÿкерчĕкĕ.