10 августа 2012 г.
Хулари "Локомотив" стадионта Чăваш Республикин патшалăх влаçĕн тата вырăнти хăй тытăмлăх органĕсенче ĕçлекенсен ХI спартакиади шучĕпе мини-футболла вылякансен ăмăртăвĕн зонăсенчи çурма финалĕ иртрĕ. Унта Канаш хулин, Канаш, Элĕк тата Вăрмар районĕсен администрацийĕсен командисем хутшăнчĕç.
Пирĕн ентешсем пĕрремĕш тĕл пулура элĕксемпе вылярĕç. Вĕсем хăнасене çăмăллăнах 9:2 шутпа парăнтарчĕç. Иккĕмĕш вăйă çивĕч иртрĕ. Канашсем вăрмарсене 2:1 шутпа çĕнтерчĕç. Финалти ăмăртусене тухассишĕн Канаш хулин тата районĕн администрацийĕсен командисем кĕрешрĕç. Район футболисчĕсем ăстарах пулчĕç: вăйă 4:3 шутпа, пирĕн команда çĕнтернипе, вĕçленчĕ. Иккĕмĕш вырăна вăрмарсем йышăнчĕç.
В. АЧЧА тексчĕпе сăн ÿкерчĕкĕ.