30 мая 2012 г.
Федерацин "Ялăн 2013 çулчченхи социаллă аталанăвĕ" тĕллевлĕ программипе килĕшÿллĕн социаллă тÿлев панине çирĕплетекен ĕнентерÿ хучĕсене тата виçĕ çын илнĕ. Çак документсене район администрацийĕн пуçлăхĕ В.Софронов "Канаш" тата "Сормовский" тулли мар яваплă пĕрлĕхсен дояркисене И.Ивановăпа Т.Александровăна, "Путь Ленина" ял хуçалăх производство кооперативĕн рабочине А.Никифорова панă.
Владислав Васильевич вĕсене тума пуçланă çуртсене ăнăçлă вĕçлеме, çирĕп сывлăх суннă.
Çав кунах 2010 çулхи Пĕтĕм Раççейри çырава хастар хутшăннисене Чăвашстат ертÿçи Э.Максимова медальсем, грамотăсем, Тав çырăвĕсем панă.
А.ТЯМИНА.