25 мая 2012 г.
Асатте юмах-халапĕнчен
Илтнĕ эпĕ паттăрсем
çинчен,
Пулнă имĕш Улăпсем вĕсем.
Çав йăхран эпир те –
чăвашсем.
Харсăр пулнă пирĕн
несĕлсем,
Ирĕке юратнă тет вĕсем.
Пусмăра нихçан та
парăнман –
Çивĕч хĕç çĕкленĕ, пуç
тайман.
Хÿтĕленĕ савнă çĕршывне,
Пуçĕ пĕтнĕ – юлнă ячĕсем.
Вĕсене мухтаççĕ юрăсем,
Сăвăсем, легенда-халапсем...
х х х
Пилĕк-ултă ĕмĕр каялла
Сарри паттăр пулнă
чăвашсен.
Ун чух тÿснĕ халăх мăшкăла
Хусан ханĕн мăн
эшкерĕнчен.
Сарри тунă халăхшăн ыр ĕç:
Çитнĕ вырăссен тĕп хулине.
Виççĕмĕш Василий
патшаран
Ыйтнă пулăшма чăвашсене.
х х х
Мининпа Пожарский ячĕсем
Манăçмаççĕ халăх асĕнче:
Çăлчĕç Мускава поляксенчен,
Вилĕмрен хăтарчĕç Раççее.
Вĕсемпе пĕрле Пăрттас чăваш
Хăйĕн паттăр, вăйлă çарĕпе
Кремльтен хÿтернĕ çич юта,
Çĕршывран тасатнă
тăшмана.
х х х
Стенька Разин çĕклесен
пăлхав,
Хутшăннă чăваш унта хастар.
Халăхăм упрать паян асра
Паттăра – Искеев Пайтула.
Янтуш чăвашĕпе пĕрле –
Емайтин ывăлĕ Тутимĕрпе –
Вĕсем çитеççĕ Чĕмпĕре
Патша çарне хăюллăн
çĕмĕрме.
х х х
Çĕр çул иртсен – каллех
пăлхав,
Емелька Пугачев ярать
йыхрав:
Кĕрешĕве çĕклемелле,
Улпутсене пĕтермелле!
Çĕршер çарпуçĕ чăвашра:
Нехей, Савкилта, Хусанкка,
Пике-çарпуçĕ Укаслу... –
Юхтарнă ирĕклĕхшĕн юн.
х х х
Чăваш кĕрешнĕ французпа,
Икĕ ĕмĕр иртрĕ унтанпа.
Тăван çĕршывăн вăрçинче
Пайтах чăваш тухать чапа.
Çĕрпÿ уесĕн Шăхаль ялĕ
Маттур Гаврил Федорова
Вăрçа ăсатнă çапăçма,
Пилленĕ сыввăн таврăнма.
Чăваш арĕ Иванов Степан
Француза ниçта та парăнман:
Бородино, Смоленск е
Вильно –
Вăл тăшмана аркатнă вирлĕ.
Захар Семенов –
Ассакассинчен,
Илнĕ медаль фельдмаршал
аллинчен.
Пĕлет ăна Мускав, Париж,
Паллать Смоленск тата
Берлин.
Ваçлей Григорьев салтака та
Урпаш ăсатнă Мускава
Тăван çĕршывшăн çапăçма.
Унтан – вăл çитнĕ Парижа.
Ахаль салтак, маттур чăваш,
Çапăçура пулман йăваш.
Вăл тивĕç пулнă медале,
Кĕç илнĕ офицер ятне.
х х х
Вĕçсе иртеççĕ ĕмĕрсем,
Çулсем хыçа тăрса юлаççĕ,
Анчах та паттăрсен ятне
Паян та юрăсем хываççĕ.
Эп Улăпа та, Пăрттаса та
Хам ĕмĕрте курман, илтмен.
Эп Минина та, Разина та
Чăн пурнăçра пачах пĕлмен.
Анчах ман пурччĕ асатте
(Ăна кăштах эп астăватăп).
Ман савнă, паттăр асатте,
Санпа эп питĕ мухтанатăп.
Эс пулнă иртнĕ вăрçăра
Хăюллă, арăслан пек паттăр.
Эс парăнман фашизма,
Яту та юлчĕ сан мухтавлă.
Тупа тăватăп, асатте:
Санăн ятна çĕре ÿкермĕп.
Паттăрсене асра тытса,
Эп утăп санăн çулупа.
Катек вăтам шкулĕ,
9-мĕш класс.