Публикации » Фляга айĕнчи енчĕке йăкăртнă

23 мая 2012 г.

Хаяр шĕвекпе пуçне анратнă хĕрарăм пĕлĕшĕ патне укçа ыйтма пынă. Лешĕ унран сĕт туяннă пулнă. Кил хуçи хĕрарăм чăланта кĕтесре ларакан фляга айĕнчен енчĕк туртса кăларнă. Кирлĕ суммăна илнĕ те каялла хунă. Çакăн хыççăн иккĕшĕ те сĕтел хушшине ларса эрех ĕçнĕ. Килне кайнă чухне килнĕ хĕрарăм фляга айĕнчи енчĕке çаклатса кайнă. Енчĕкĕнче вара 2700 тенкĕ упраннă. Укçаллă пулнипе хĕпĕртесе ÿкнĕ хĕрарăм преступлени тунă вырăнтан самантрах пăчланнă.

Суд пенсионерăн укçине хапсăннăшăн 240 сехет ĕçлесе татма йышăннă.

Е.СПИРИДОНОВА,

Шалти ĕçсен министерствин Канаш районĕпе ĕçлекен уйрăмĕн аслă следователĕ.