23 мая 2012 г.
Гаражра пирус туртма, кăвайт хума юрамасть, çавăн пекех çунтармалли, сĕрмелли хатĕрсемпе вараланнă çĕтĕксене тата газ баллонĕсене упрани те вырăнсăр. Гаражри пушара сÿнтерме уйрăмах чăрмавлă, мĕншĕн тесен чылайăшĕ унта çунтармалли, сĕрмелли материалсем упрать.
Пушар тухрĕ пулсан пĕр тăхтаса тăмасăрах пушар хуралĕн ĕçченĕсене шăнкăравласа пĕлтерĕр, кÿршĕсенчен тата иртсе пыракансенчен пулăшу ыйтăр. Вĕсемпе пĕрле автомашинăна гаражран тĕртсе тухма тăрăшăр. Вут-çулăма ытти гаражсем çине куçса кайма ан парăр, вут чĕлхи конистрсем тата баллонсем патне çывхарасран сыхланăр, взрыв пулма пултарать. Пушара огнетушительпе, хăйăрпа, шывпа е юрпа сÿнтерĕр.
Эсир хăвăр гаража страхланă пулсан тăкаксене саплаштармашкăн пушар хуралĕн ĕçченĕсенчен ятарлă документсене илсе юлма ан манăр.
С.ВОЛКОВ,
стажер.