18 мая 2012 г.
Çăмăллăхлă йĕркепе Чăваш Ене 2 пин тонна топливо хушса парĕç. РФ ял хуçалăх министрĕ Елена Скрынник çакна çу уйăхĕн 4-мĕшĕнчи канашлура пĕлтернĕ. Ыйтăва республика Пуçлăхĕ Михаил Игнатьев ака уйăхĕн 2-мĕшĕнче РФ энергетика министрĕпе Сергей Шматкопа тĕл пулнă хыççăн татса панă.
Хушма топливăна хресченсем "Ульяновскнефтепродукт" обществăран турттарĕç: çак уйăхра – 500, çĕртмере – 1500 тонна. Ăна районсен хушшинче ЧР Ял хуçалăх министерстви нарăс уйăхĕн 24-мĕшĕнче çирĕплетнĕ йĕркепе пайлĕç.
Çăмăллăхлă йĕркепе Чăваш Ене дизтопливăпа тивĕçтерекенсем – "Лукойл" тата "Сургутнефтегаз" обществăсем. Пуш-çĕртме уйăхĕсенче республикăна 6660 тонна уйăрмалла. Виçĕ уйăхра 2241,3 тонна (34 процент) турттарнă. Ку уйăхра 2430 тонна – иртнĕ уйăхринчен 890 тонна нумайрах – кÿрсе килмелле. Хушнипе пĕрле 3 пин тонна майлă пулмалла.
Аграрине çур аки ирттерме 8,2 пин тонна дизтопливо кирлĕ. Татах уйăрнипе пĕрле çур аки валли çитмелле – çапла шухăшлаççĕ ЧР Ял хуçалăх министерствинче.
С.СЕРЕГИН.