05 мая 2012 г.
Чăваш чĕлхин кунĕнче Вырăскас Пикшихри культура çуртĕнче районта халăхăн илемлĕх пултарулăхĕн йăлана кĕнĕ "Иксĕлми Канаш ен çăлкуçĕсем" фестивалĕн гала-концерчĕ пулчĕ. Унта Çеçпĕл, Шаккăл, Шелттем, Асхва, Çĕнĕ Чалкасси, Сухайкасси, Пайкилт, Янкăлч ял тăрăхĕсенчи культура учрежденийĕсен фольклор коллективĕсем, халăх хорĕсем, ансамбльсем, уйрăм юрăçсем, ташă ушкăнĕсем хутшăннă.
Чи лайăх номерсем кăçалхи акатуйра тепĕр хут янăрĕç. Тÿресем уйрăмах Янкăлчри культура çуртĕнчи пултарулăх коллективне пысăк хак панă. Куракансем те янкăлчсен юрри-ташшипе кăмăллă пулнă.
А.ВИТАЛЬЕВ.