11 апреля 2012 г.
Ухман ялĕнчи Николай Степановичпа Зинаида Даниловна Степановсем пĕр çулпа утма пуçланăранпа часах 53 çул çитет. Иккĕшĕ те çитмĕл теçетке урлă каçнă. Тăватă ача çуратса ÿстернĕ. Пурте çемьеллĕ. Мăнукĕсем, вĕсем вара 12-ĕн, аслашшĕпе асламăшне, кукашшĕпе кукамăшне çав тери юратаççĕ.
Çемье пуçĕ Николай Степанович колхозра водительте ĕçлесе тивĕçлĕ канăва тухнă. Мăшăрĕ Зинаида Даниловна элеваторта вăй хунă. Ĕçри тăрăшулăхĕшĕн, хастарлăхĕшĕн Хисеп грамотисене тивĕçнĕ, парнесем парса чыс тунă.
Р.ИВАНОВА,
библиотекарь.