22 февраля 2012 г.
Нарăс уйăхĕн 13-мĕшĕнче Çеçпĕлти вăтам шкулта кĕçĕн класра вĕренекенсем уроксем хыççăн пурте актовăй зала пуçтарăнчĕç. Пирĕн шкулта интереслĕ те усăллă класс тулашĕнчи уявсем час-часах иртеççĕ. Хальхинче ачасем патриотла воспитани тата спортпа туслă ачасен конкурс уйăхлăхне хутшăнчĕç. Вĕсем унта илемлĕ плакатсем, ÿкерчĕксем тăратрĕç, сăвă вуласа ăмăртрĕç.
Сăвă вулакансен конкурсĕнче тарăн шухăшлă сăвва илемлĕ вуласа пĕрремĕш вырăна иккĕмĕш класра вĕренекен Александр Сергеев мала тухрĕ, Сергей Елизаров (1-мĕш класс) иккĕмĕш пулчĕ, Никита Павловпа (3-мĕш класс) Никита Фадеев (2-мĕш класс) виççĕмĕш вырăна тухрĕç. Ачасене хавхалантарса пурте тăвăллăн алă çупса саламларĕç. Конкурс "Яланах пултăр хĕвел" юрра шăрантарнипе вĕçленчĕ.
Т.ЗАХАРОВА,
вĕрентекен.