Публикации » Кăçал вĕренсе тухакансемпе тĕл пулчĕç

22 февраля 2012 г.

Шкул ачисене професси суйласа илме пулăшмалли мероприятисен планĕпе килĕшÿллĕн Чăваш патшалăх ял хуçалăх академийĕ Канаш районĕнчи вăтам шкултан кăçал вĕренсе тухакансемпе тĕл пулу йĕркеленĕ. Вăл район администрацийĕн актовăй залĕнче иртнĕ. Аттестаци илме хатĕрленекенсемпе асăннă аслă вĕренÿ заведенийĕн преподавателĕсемпе студенчĕсем, райадминистрацин вĕренÿ тата агропромышленность организацийĕсемпе çыхăнса ĕçлекен пайĕсен пуçлăхĕсем Ю.Алексеевпа В.Никоноров калаçнă.

Биологотехнологи факультечĕн деканĕ Г.Тобоев ял хуçалăх академийĕнче аслă пĕлÿ илекенсен пурнăçĕпе ĕçĕ-хĕлĕ çинчен видеосюжетсем кăтартнă. Экономика тата биологотехнологи факультечĕсен студенчĕсем интереслĕ те илĕртÿллĕ концерт программи кăтартнă.

А.ТЯМИНА.