03 февраля 2012 г.
Канаш хулинче "Строй - Сити" магазин парнисене йĕлтĕрпе чупса çĕнсе илессишĕн ăмăрту ирттернĕ. Унта Хучел ял тăрăхĕнчи "Хучель" спорт клубĕн 8 воспитанникĕ хутшăннă. Ăмăртăва вĕсене физкультура учителĕ В.Федоров тата Г.Евлампьев предприниматель хатĕрленĕ.
Хучелĕн икĕ йĕлтĕрçи икĕ кĕмĕл медаль çĕнсе илнĕ. Вĕсем – 9-мĕш класра вĕренекен Маша Иванова тата 4-мĕш класа çÿрекен Зина Чумакова. Магазин директорĕ О.Хрисанов мала тухнисене медаль, диплом тата "пылак" парне панă.
Нарăсăн 5-мĕшĕнче, вырсарни кун, йăлана кĕнĕ "Хучелти йĕлтĕр йĕрĕ – 2012" ăмăрту пулать.
В.АЛЕКСЕЕВ.