13 января 2012 г.
Ямаш çыннисене Çĕнĕ çул ячĕпе хаклăран та хаклă икĕ парне кÿнĕ. Çакăн пек хисеп тăвакансенчен пĕри – Шупашкарта пурăнакан А.Стеклов. Александр Иванович Ямаш ялĕ 450 çул тултарнă тĕле, ăна 2011 çулхи утă уйăхĕн 9-мĕшĕнче паллă тунă, архив материалĕсене пухса "Ямаш мурза – сын князя Мангуша" ятпа кĕнеке кăларнă.
Ямашсене тепĕр савăнăç кÿрекенни кÿршĕ ялта – Вăрнар районне кĕрекен Кив Шуртанта çуралса ÿснĕ, халĕ Вăрнар районĕн тĕп больницинче ĕçлекен П.Михайлов врач. Петр Константинович Ямаш çинчен документлă фильм ÿкернĕ. Унта вăл ял юбилейне мĕнле паллă тунине, унăн кулленхи пурнăçне, уявĕсене, йăли-йĕркисене кăтартнă. Автор ял тăрăхне темиçе диск парса хăварнă. Курас кăмăллисем ял тăрăхне пыма пултараççĕ.
А.ВИТАЛЬЕВ.