01 января 2012 г.
Раштавăн 28-30-мĕшĕсенче республикăн хастар та талантлă, пултаруллă ачисем пысăк юмах программи курчĕç. Предметсен олимпиадисенче, спорт ăмăртăвĕсенче, конкурссенче çĕнтернисем, вĕренÿре малта пыракансем, обществăлла ĕçре хастаррисем, çавăн пекех пурнăçăн йывăр лару-тăрăвне кĕрсе ÿкнисем Президент елкине хутшăнчĕç. Уяв мероприятийĕсем Чăваш патшалăх оперăпа балет театрĕнче иртрĕç. Çĕнĕ çул уявĕнче пирĕн районти 59 ача савăнчĕ.
Программи питĕ пуян пулнă: "Хĕрлĕ парăс" музыка спектаклĕ, Хĕл Мучипе тата Юр Пикепе савăнасси, тĕрлĕ вăйă-кулă тата ытти те. Кашнинех Чăваш Республикин Президенчĕн саламлă открыткине тата парне панă.
А.ТЯМИНА.