30 ноября 2011 г.
Район администрацийĕн пуçлăхĕн ĕçĕсене вăхăтлăха туса пыракан Э.Александров ĕç пÿлĕмĕнче АПК организацийĕсемпе çыхăнса ĕçлекен пайăн специалисчĕсемпе тата хресчен (фермер) хуçалăхĕсен ертÿçисемпе канашлу ирттернĕ.
Районăн тĕп агрономĕ В.Долгов вырма ĕçĕсен кăтартăвĕсемпе тата килес çулхи тĕп задачăсемпе паллаштарнă. Элита вăрлăх акни, удобренисемпе усă курни тухăçа ÿстерет. Шăпах çакăнта ĕнтĕ С.Шпаков, В.Малов, А.Владимиров, И.Лукьянов фермерсен çитĕнĕвĕн никĕсĕ. Малалла вăл усă курма килĕшмен çĕрсене пусă çаврăнăшне кĕртме чĕнсе каланă.
Канашлура çавăн пекех районти ветеринари службин пуçлăхĕ А.Степанов, "Россельхозцентр" учрежденин Канашри уйрăмĕн тĕп агрономĕ Г.Семенова, Чăваш Республикин Ял хуçалăх министерствин финанспа кредит политикин пайĕн эксперт специалисчĕ В.Воробьева, Патшалăх техсăнавĕн Канаш районĕпе ĕçлекен инспекцийĕн аслă инспекторĕ А.Петров тухса калаçнă.
А.ТЯМИНА.