Публикации » Амăшне çĕçĕпе амантнă

14 октября 2011 г.

Кăçалхи çу уйăхĕн вĕçĕнче районти ялсенчен пĕринче пурăнакан çамрăк арçын самаях ĕçсе лартнă. Ăнсăртран тенĕ пек вăл тăван амăшĕ мăнукне вăрçнине, çутăлтарса янине асăрханă. Çилли тулнă арçын амăшĕ çине аллисемпе сулкалашса тапăннă. Ăна питĕнчен çапнă. Ватă хĕрарăма унран хăтăлма май килнĕ. Вăл картишне чупса тухма пултарнă, анчах та инçе каяйман – çунтармăш ывăлĕ хăваласа çитнĕ ăна. Кĕсйинчен çĕçĕ туртса кăларнă та хăйне чун панă çынна мăйĕнчен темиçе хутчен сĕрнĕ. Суранĕ йывăр пулин те амăшĕ тухса тарма вăй çитернĕ. Ăна больницăна ăсатнă, тухтăрсен унăн пурнăçĕшĕн самаях ăшталанма тивнĕ.

Уголовлă ĕçе пăхса тухса суда ярса панă.