07 октября 2011 г.
Кÿкеç поселокĕнче 1994-1995 çулсенче çуралнă яшсемпе хĕрсем хушшинче армспорт енĕпе ăмăрту иртнĕ. Унта Чакаç спортсменĕсем ăнăçу тунă. Е.Васильевăпа В.Прокопьев малти вырăна йышăнса спорт мастерĕн кандидачĕн нормативне пурнăçланă. Хăйсен виçе категорийĕсенче Е.Павлова, К.Тихонова, В.Яковлева, А.Чернова, К.Гаврилова, А.Миронов, Д.Измайлов, М.Александров, Г.Иванов призерсем пулса тăнă. Вĕсене ăмăртăва опытлă тренер Л.Атласкин хатĕрленĕ.
Командăсем хушшинче хĕрсем пĕрремĕш, яшсем иккĕмĕш вырăнсене йышăннă. Пĕрлештернĕ командăсем хушшинче канашсем иккĕмĕш пулнă.
А.ВИТАЛЬЕВ