09 сентября 2011 г.
Хальхи вăхăтра кĕсьене ямăт укçа чикес текенсем темĕнле ултав тума та хатĕр. Çавăнпа та тимлĕхе нихăçан та çухатмалла мар. Çынна шанма хăнăхнăран чылай чухне шар куратпăр та пулĕ.
Пĕр тĕслĕх илсе кăтартар-ха. Анаткас ялĕнче пурăнакан ватă хĕрарăм патне палламан çынсем кĕрсе тăнă. Вĕсем энергосбыт компанийĕнче ĕçлекенсем тесе хăйсемпе паллаштарнă. Электросчетчик кăтартăвне пăхса тĕрĕсленĕ, çунтарнă электроэнергишĕн укçа тÿлесе яма ыйтнă. Ватă çын ăна-кăна шутламасăрах усал шухăшлăскерсене пĕр пин тенкĕ кăларса тыттарнă.
Çакăн пек инкек сирĕнпе те сиксе ан тухтăр тесен укçа кăларса париччен палламан çынсенчен ятарлă документсем ыйтма ан именĕр, улталаннине сиссен çийĕнчех участковăй патне васкăр, ял тăрăхĕн пуçлăхне пĕлтерĕр е çийĕнчех 49-0-02 телефонпа шăнкăравлăр.
А.ЛЕВЫЙ, РФ ШĔМĕн районти уйрăмĕн пуçлăхĕ.