02 сентября 2011 г.
Микушкара ял кунне ирттернĕ. Уява салам сăмахĕ каласа клуб заведующийĕ Л. Иванова уçнă. Ял администрацийĕн тĕп специалисчĕ Т.Москвина ял пурнăçне активлă хутшăннă çынсене Хисеп хучĕсемпе Тав çырăвĕсем панă. Ял тăрăхĕн пуçлăхĕ Л. Иванов ентешĕсене ăнăçу, çирĕп сывлăх суннă.
Ялти ачасем тата районти ял тăрăхĕсен пĕрлехи культура çурчĕ çумĕнчи "Ентешсем" ансамбль концерт лартса панă. Ялти хисеплĕ ватăсене тата чи çамрăккине чысланă. Пурте пĕрле тутлă шÿрпе çинĕ, ĕлĕкхи чăваш юррисене юрланă. Спорт площадкинче тĕрлĕ конкурс, ăмăрту ирттернĕ.
А.ВИТАЛЬЕВ.