АУ «Редакция Канашской районной газеты «Канаш» Мининформполитики ЧувашииОФИЦИАЛЬНЫЙ САЙТ
Орфографическая ошибка в тексте

Послать сообщение об ошибке автору?
Ваш браузер останется на той же странице.

Комментарий для автора (необязательно):

Спасибо! Ваше сообщение будет направленно администратору сайта, для его дальнейшей проверки и при необходимости, внесения изменений в материалы сайта.

Публикации » Скутер та инкек кÿме пултарать

29 июня 2011 г.

Çу кунĕсемшĕн эпир пурте хĕпĕртетпĕр. Шкул ачисен, сăмахран, тахçантанпах чăтăмсăррăн кĕтнĕ каникул вăй илсе пырать. Вĕренÿ çинчен шутлама кирлĕ мар текех, яра куна урамра çÿресе ирттерме пулать. Пушă вăхăта усăллă ирттерме тăрăшакансем те çук мар, паллах, анчах та çав вăхăтрах скутерсем çине ларса автоçулпа çил вĕçтерсе çÿрекенсем те йышлăн.

ГИБДД сотрудникĕсене çула çитмен çамрăксем автоçулсем çине шлемсĕр тухни, çул-йĕр хăрушсăрлăх правилисене пăхăнманни пăшăрхантарать. Айван "водительсем" хăйсене кăна мар, çумĕнче ларса пыракан пассажирсен тата çуран утса пыракан çынсен пурнăçĕсене те пысăк хăрушлăх умне кăларса тăратма пултараççĕ-çке.

Скутерсемпе шĕвĕрккесем чупма пултарнин сăлтавĕ акă мĕнре: калăпăшĕпе 50 "кубикрен" пĕчĕкрех двигателе тапратса тухма права кирлĕ мар, çакăн йышши транспорта регистрацилемеççĕ, ăна техтĕрĕслев кăлармаççĕ. Ахальтен мар ГАИ сотрудникĕсем скутерсене "кустăрма çинчи тупăк" тесе палăртаççĕ.

Скутер хуçисен çакна асра тытмалла: çакăн йышши транспорт рулĕ умне 16 çултан çеç ларма юрать, скутера çул çине тапратса тухиччен çул-йĕр хăрушсăрлăх правилисене лайăх пĕлмелле, çумра скутер хуçи пулнине çирĕплетекен документ пулмалла, пуçа шлем тăхăнса тухма та манмалла мар, çул çинче çавăн пекех яваплăха туймалла, унсăрăн йĕркене пăсакана саккунпа килĕшÿллĕн явап тыттарĕç.

Асăрхануллă пулни тата ыттисене хисеплени çул-йĕр çинчи инкексене сирсе яма пулăшĕ.

М.ЮНУСОВ, районти ГИБДД уйрăмĕн пропаганда инспекторĕ.

Мой МирВКонтактеОдноклассники

 

Система управления контентом
TopList Сводная статистика портала Яндекс.Метрика