18 мая 2011 г.
Пăхма кăмăллă, тирпейлĕ, сăпайлă кинемейсем. А.Иванова Малтикасран, М.Александрова Шăхасантан, Л.Федорова Çеçпĕлтен.
Анастасия Андрияновнăпа Любовь Сергеевна – тыл ĕçченĕсем. Вăрçă çулĕсенче колхоз ĕçĕсенче тар юхтарнă, вăрман каснă, салтаксем валли чăлха-алсиш çыхнă. Мария Александровна вăрçă пуçлансан Тăвай районĕнче окоп чавнă, Шăхасанти машинăпа трактор станцийĕнче трактористра вăй хунă. 1943 çулта Суздаль хулинче санинструктора вĕреннĕ. Чехословаки, Польша çĕрĕсем витĕр тухнă. Миçе салтакпа офицерăн пурнăçне çăлса хăварман-ши вăл. Ăна Хĕрлĕ Çăлтăр орденĕпе, нумай медальпе наградăланă.
В.АЧЧА сăн ÿкерчĕкĕ.