29 апреля 2011 г.
Нумаях пулмасть ывăлăм сиплевпе кану центрĕнчен таврăнчĕ. Кăштах вăхăт иртсен апат ирĕлесси япăхланнине сисрĕм: ăна вар хытни тертлентерме пуçларĕ. Темĕнле эмел те ĕçтерсе пăхрăм, анчах лару-тăру улшăнмасть...
Людмила К.
Апат ирĕлесси япăхланни чи малтанах пыршăлăх дисбактериозĕпе сăлтавланма пултарать. Организм хăнăхман апатланăва е шыва, çанталăк сасартăк улшăннине пула пыршăлăхри бактерисен шайлашăвĕ йĕркерен тухать. Ывăлăрпа пĕрле тухтăр патне кайăр, анализсем парăр. Енчен те дисбактериоз пулни çирĕпленсен пыршăлăх микрофлорине вăй илмешкĕн ачана ятарлă эмелсем ĕçтермелле, усăллă бактерисемпе пуян эмел пуххи ырă витĕм кÿрĕ. Çавăн пекех вăл микрофлорăн ĕç-хĕлне тĕрĕс йĕркелеме пулăшĕ. Сиплев тухăçлăхĕ унăн тăсăмĕнчен, препарат пахалăхĕнчен килет.