15 апреля 2011 г.
Çурхи йĕркесем
Çуркуннен ытарайми
илемĕ
Тыткăна илет ман чĕрене.
Виçĕм çул санпа юрланă
çемĕ
Иртенпех паян таçта
чĕнет.
Шăнкăрчсем юрлаççĕ
çепĕç юрă,
Йăпатасшăн манăн
чунăма.
Эп пĕлетĕп: килес çук
эс урăх,
Айăплатăп пĕр хама
кăна...
х х х
Хĕвел кулать, ав, тÿпере,
Чĕнет мана вăл хăй
патне.
Юратнă çĕрĕн илемне
Курасчĕ ман çÿлтен
пĕрре.
Тен, курмăп çĕрĕн
илемне,
Тен, курăп унăн суранне...
Амантăп хамăн чĕреме...
х х х
Астăватни, тусăм,
Çурхи ăш каçа;
Сан çумра эп уççăн
Тăтăм калаçса.
Темшĕн ăнланмарăн
Эс ун чух мана –
Шÿтпе танлаштартăн
Ман сăмахăма.
х х х
Эп чунтан юрататăп Çĕре,
Хирсене, уйсене, ялсене.
Юрататăп хĕвеллĕ ирпе
Кайăксен сассине итлеме.
Юратсан – ĕçлеме те аван,
Кăмăл лайăх, пурнассăм
килет.
Юратсан – пурте çывăх
тăван,
Çынсене ыр тăвассăм
килет.
х х х
Çурхи кун утатăп урампа,
Пĕччен мар, савниçĕм,
эп – санпа.
Сар хĕвелĕ куç
хĕсет пире,
Хыттăн-хыттăн ман тапать
чĕре.
Ăшă çилĕ чуптăвать
питрен,
Пулас марччĕ нихăçан
пĕччен.
Савнă мăшăр юнашар
пулсан,
Чĕререн мана вăл
юратсан –
Эпĕ пулăп яланах чипер,
Çĕрмĕ пирĕн хушăри
кĕпер.
х х х
Çак ăшă кунсене
Ватă-вĕтĕ кăмăллать,
Ырă туйăм чĕрене
Вăрттăн-вăрттăн
чуптăвать...
Инна ЕГОРОВА.
Сăвăç композитор шырать
Туй шавлать, туй
кĕрлет ют çуртра,
Савăнса çаврăнан
эс вальсра.
Чи телейлĕ ик çын
туйĕнче
Эп тăратăп пĕччен
айккинче.
Хушса юрлама.
Чун савни, улталарăн
мана,
Эп пĕрех ылханмастăп
сана.
Паллă мар, паллă
мар-ха паян
Хăшĕ пулĕ телейлĕ
кайран.
Мăшăрун туй кĕпи пит
кăра,
Эп туя пăсасран
ан хăра.
Кĕрес çук эпĕ сирĕн
хушша
Юрату çунтарсан та
ăша.
Улталарĕ сана янтă
мул
Илĕртсе ют çуртри
пурлăхпа.
Пур пĕрех асăмра
эсĕ юл
Пирвайхи чи таса
туйăмпа.
х х х
Йăлтах каçаратăп
Хитре хĕрсене...
Христос та каçарнă
Пике çылăхне.
Пике йăнăшсан та,
Кĕрсен çылăха,
Ăна сут тумашкăн
Ан хăй нихăçан.
Çÿл Турă хайланă
Çап-çут илеме,
Ик куç пире панă
Пăхса киленме.
Йăлтах эс манатăн
Курсан пикене:
Туятăн хăватлă
Хавшак чĕрене.
Ватти те, яшши те
Илемĕн тарçи.
Илем тĕнчене
Çăлакан çăраççи.
Йăлтах каçаратăп
Хитре хĕрсене...
Мухтав – пуç таятăп –
Çап-çут Илеме.
Шевкен ГРИШШИ.
Анне – пурнăç
пуçламăшĕ пирĕн
Ма паян йăл кулать
сар хĕвел;
Ма паян пит илемлĕ
тĕпел;
Пысăк уяв сан, хаклă
аннем,
Ман та саншăн çунать
вут чĕрем.
"Анне" асамлă, хаклă
сăмах,
Илемлĕ, çепĕç вăл
яланах.
Пур чĕлхе те ăшă, йăваш,
Анне ялан ачашăн ачаш.
Чи ырă çын анне
çĕр çинче,
Виçесĕр юрату – чĕринче.
Ĕмĕрех пурăнать
чунăмра,
Ун умĕнче – ĕмĕр
парăмра.
Вăл пурнăç пуçламăшĕ
пирĕн,
Ĕçлет ывăнми каçăн-ирĕн.
Ăш пиллĕ анне – çывăх
ялан,
Чĕри – пуян, юратать
чунран.
Таня АГАКОВА,
Шуркасси шкулĕ,
9-мĕш класс.