13 апреля 2011 г.
Иртнĕ канмалли кун Шаккăл ял тăрăхĕн вĕренÿпе культура центрĕн спорт залĕнче волейбол турнирĕ иртнĕ, ăна Ю.Гагарин тĕнче уçлăхне вĕçнĕренпе 50 çул çитнине халалланă. Турнирта мала тухассишĕн Шаккăл тата Карăклă ял тăрăхĕсенчен пĕтĕмпе тăватă команда тупăшнă. Çĕнĕахпÿртсем ăмăртăва харăсах икĕ команда тăратнă, Кивĕ Ахпÿрт тата Карăклă ялĕсен чысне пĕрер команда хÿтĕленĕ.
Турнирта Çĕнĕ Ахпÿрт командисем пĕрремĕш тата виççĕмĕш вырăнсене çĕнсе илнĕ. Кивĕахпÿртсем иккĕ-мĕш вырăна тухнă. Ăмăртăва пĕтĕмлетнĕ май Шаккăл ял тăрăхĕн пуçлăхĕ Г.Степанов чи лайăх вăйăç ятне тивĕçнĕ М.Матросова ял тăрăхĕн куçса çÿрекен Кубокĕпе чысланă. Çĕнтерÿçĕсене медальсем, Хисеп грамотисем тата парнесем парса хавхалантарнă.
А. ВАСИЛЬЕВ.