01 апреля 2011 г.
Тимофеева Андреевăна (хушамачĕсене улăштарнă) намăс сăмахсемпе вăрçса пĕтернĕ, хĕненĕ. Лешĕ нумай шутласа тăман, тытнă та суда панă. Вăл Тимофеевăран хăйне мораль енчен сиен кÿнĕшĕн 13 пин тенкĕ шыраса илме тавăç тăратнă. Явап тытакан çакăнпа килĕшнине пĕлтерсе тата çав суммăна тÿлесе татма сăмах парса çийĕнчех миравай судья умĕнче расписка çырса панă. 3 пинне тÿрех панă. Тимофеева ытти укçана парса татасси çинчен шутламан та. Тĕрĕсрех каласан панă сăмаха, халăхра калашле, çилпе вĕçтерсе янă.
Тимофеевăпа Андреева каллех судра тĕл пулнă. Суд явап тытаканран Андреевăна мораль енчен сиен кÿнĕшĕн 9996 тенкĕ, патшалăх пошлинишĕн панă 200 тенке, юрист пулăшăвĕсемшĕн тÿленĕ 500 тенке, пĕтĕмпе 10696 тенкĕ, шыраса илме йышăну кăларнă.