Публикации » Паттăр ентеш

08 апреля 2011 г.

Маттур пичче Андриян

Пире чапа кăларчĕ.

Тĕнче уçлăхĕ таран

Ентеш вĕçсе хăпарчĕ.

Пирĕн Улăп Андриян,

Ячĕ манăçмĕ нихçан.

Сасси Çĕр чăмăрне ян-н-н!

Кайрĕ унăн уçлăхран.

Мăнаçлă Чăваш Енĕн

Чăн-чăн çăлтăр кăйкăрĕ.

Ĕмĕрех вăл пирĕншĕн

Хаклă çĕршыв çăлтăрĕ.

Мухтавлă ентеш пĕрре –

Чăваш Енре, çĕр çинче.

Ячĕ юлчĕ ĕмĕре

Чăваш халăх чĕринче.

Тăван çĕршывĕ паттăрĕ –

Чăваш Енĕн мухтавĕ.

Асрах космос харсăрĕ,

Çитрĕ чаплă уявĕ.

Николай АГАКОВ.