23 марта 2011 г.
Çу кунĕсенчен пĕринче каçхине саккăр иртсен милици сотрудникĕсем Самойловпа Васильев (хушамачĕсене улăштарнă) шалти ĕçсен пайĕн оперативлă дежурнăйĕ хушнипе тĕп урамри çуртăн картишне пынă. Унта ларакан "ВАЗ-2109" автомобиль водителĕ ÿсĕр иккен. Самойлов водитель удостоверенине кăтартма ыйтнă. Лешĕ ун умĕнчи пакунлă çын, влаç представителĕ пулнине пĕле тăрах, ăна пухăннă халăх умĕнче усал сăмахсем каласа хăртнă. Васильев пуçтаха чарăнма ыйтнă. Меньшов (хушаматне улăштарнă) хăнк та туман, милиционер çине алă çĕкленĕ, ăна икĕ хутчен кăкăрĕнчен çапнă.
Меньшова ултă çула хупнă. Çак вăхăта вăл пĕтĕмĕшле режимлă колонире ирттерĕ.