23 марта 2011 г.
Районта хальхи вăхăт тĕлне 8 автоинкеке шута илнĕ. Вĕсенче вунă çын аманнă, виççĕн вилнĕ. Тăватă тĕслĕхре автомашинăсем çуран çÿрекенсем çине пырса кĕни паллă. Анчах та айăпĕ водительсенче мар иккен, çуран çÿрекенсем çул-йĕр хăрушсăрлăх правилисене пăхăнманнинче. Çак айванлăха пула пĕр çын пурнăçĕ вăхăтсăр татăлнă, виççĕшĕ сусăрланнă.
Çуран çÿрекенсем çул-йĕр хăрушсăрлăх йĕркисене пăхăнманнине тата водительсем çул урлă каçмалли вырăнсенче час-часах правилăсене пăснине шута илсе районта "Çул урлă каçмалли вырăн" рейд иртнĕ. Рейд вăхăтĕнче профилактика çине пысăк тимлĕх уйăрнă.
М.ЮНУСОВ, районти ГИБДД уйрăмĕн пропаганда инспекторĕ.