18 марта 2011 г.
фото
Татьяна Григорьева Кăшнаруйĕнче çуралса ÿснĕ. Шăхасанти вăтам шкул хыççăн вăл Канашри финанспа экономика колледжне вĕренме кĕнĕ. Районăн тĕп библиотекинче 2007 çултанпа ĕçлет, информаципе библиографи пайне ертсе пырать. Ĕçленĕ хушăрах Хусанти патшалăх финанспа экономика институтĕнче вĕренсе аслă пĕлÿ илнĕ. "Мана çынсемпе хутшăнма, ĕçлеме, вулакансене вăл е ку информацие тупса пама питĕ килĕшет. Пирĕн тата ялсенчи библиотекăсем çĕнĕ компьютер оборудованийĕпе пуянланса пыни савăнтарать. Çакă вулакансем ыйтакан кĕнекесене хăвăртрах тупса пама пулăшать. Пирĕн пай хушма пулăшусемпе те тивĕçтерет: текстсене наборласа хут çине кăларатпăр, сканерпа кописем туса паратпăр", – тет Татьяна Петровна.
П.ЕФИМОВ тексчĕпе сăн ÿкерчĕкĕ.