04 марта 2011 г.
Нарăс уйăхĕн вĕçĕнче Хусанта шкул ачисен Атăлçи тăрăхĕнчи ХVII наукăпа экологи конференцийĕ иртнĕ. Çĕршывăн тĕрлĕ кĕтесĕнчен пуçтарăннă унта. Виççĕшĕ пирĕн районти Вырăскас Пикших вăтам шкулĕнчен. Вĕсем – 10-мĕш класра вĕренекен Ксения Ефимовăпа Саша Голина тата кăçал тăван шкулпа сыв пуллашакан Вася Данилов. Вĕсем экологи темипе çырнă ĕçĕсене хÿтĕленĕ.
Комисси Ксенийăн ĕçне чи лайăххисен шутне кĕртнĕ. Ăна Тутарстан Республикин Вĕренÿ тата наука министерствин дипломĕпе наградăланă, парне парса чыс тунă. Васьăн ĕçне те пысăк хак панă. Вăл экологин тата çĕр пуянлăхĕпе усă курассин ыйтăвĕсемпе ĕçлекен наука академийĕн грамотине тивĕç пулнă. Саша та тăван ене парнесĕр таврăнман.
Конференцине пынисене Хусан хулин историллĕ тата паллă вырăнĕсемпе паллаштарнă. Çул çÿрев çинчен вĕсем юлташĕсемпе пĕрле вĕренекенĕсене, ашшĕ-амăшне çĕкленÿллĕ кăмăлпа каласа панă. Паллах, районти вĕрентÿ управленийĕнче ĕçлекенсене конференцине кайма укçа-тенкĕ енчен пулăшнăшăн тав тунă.
В.ТИМОФЕЕВ, шкул директорĕн çумĕ.
ŸКЕРЧĔКРЕ: (сулахайран сылтăмалла) В.Данилов, А.Голина тата К.Ефимова.