04 марта 2011 г.
Адам, тет, пулнă чи малтан,
Унтан кун панă Евăна.
Сăмахĕ ку чи авалтан –
Тĕнче аван пĕлет ăна...
Мăшăрпала чун канăçра,
Арçынсене кирлех эсир.
Пĕр сирĕнсĕр çак пурнăçра
Епле пулăттăмăр эпир;
Паян уяв. Йăл-йăл кулса
Хĕвел тухать, ав, ир-ирех.
Хĕрарăмсен телей пулсан
Арсен те пурнăç чиперех.
Ман халĕ палăртас килет:
Уявăр пĕртте ячшĕн мар.
Сире пит саламлас килет:
Ыр сывлăх пултăр пурăнма!
Пĕчченлĕх шухăшсем кÿрет,
Хăрахлăх хаваса сирет.
Телей тени килĕшÿре,
Эсир те савăр-ха пире;!.
Алексей ЗАЙЦЕВ Кивĕ Шелттем ялĕ.