02 марта 2011 г.
Вырăскас Пикшихри культура çуртĕнче "Ăнăçу джентельменĕ" район конкурсĕ иртнĕ. Унта хутшăнакансене район администрацийĕн пуçлăхĕн çумĕ Э.Александров саламланă. Конкурса 10 каччă хутшăннă. Вĕсем – Атнаш, Янкăлч, Шăхасан, Сухайкасси, Уçырма, Шелттем, Çĕнĕ Чалкасси тата Чакаç ял тăрăхĕсенчен.
Каччăсем чи вăйли, чи вăр-варри, чи ăсти, чи япшарри пулассишĕн тупăшнă. Жюри членĕсене хăшĕ лайăххине палăртма ансат пулман. Çапах та Янкăлчри Е.Козлов, Шăхасанти А.Васильев, Вăтакас Кипечри А.Спиридонов ыттисенчен маттуртарах пулса малти вырăнсене йышăннă. Конкурсантсене пурне те дипломсем тата асăнмалăх парнесем панă.