Публикации » Ентешĕн юратуллă хайлавĕсем

18 февраля 2011 г.

Çеçпĕл Мишшин "Юрату музейĕ" йăлана кĕнĕ тăрăх "поэт-çеçпĕлĕн" юрату çинчен çырнă хайлавĕсене вулама кăмăллакансене хăнана пуçтарнă. Сăмах ăсти Юрий Сементер кăвар чĕреллĕ поэтăмăр чун савнийĕ Анастасия Червякова патне çырнă çырăвĕсене музея килнисем патне çитернĕ. Филологи наукисен кандидачĕ Л.Васильева кĕмĕл ĕмĕрĕн классикĕсен сăввисене чуна тивмелле вуланă. Чăваш професси писателĕсен союзĕн членĕсем Альбина Юрату, Раиса Сарпи, Лидия Сарине пухăннисене хăйсен сăввисене парнеленĕ. Светлана Асамат хальтерех çырнă хайлавĕсемпе паллаштарнă.

Чăваш патшалăх университечĕн журналистика факультетĕнче вĕренекен студентсен ушкăнĕ хăйсен сăввисене вуланă.