18 февраля 2011 г.
Оборонăпа массăллă тата спорт ĕçĕн уйăхлăхĕпе килĕшÿллĕн çар ăмăртăвĕсен икĕ енĕпе тупăшса республикăра мала тухассишĕн кĕрешнĕ. Калашников автоматне салатса пуçтарас тата пневматикăллă винтовкăран перессипе. Республикăн 8 хулипе районĕнчен 76 команда хутшăннă. Ăмăртусене Чăваш Республикин Вĕренÿ тата çамрăксен политикин министерстви, Раççей ДОСААФĕн регионти уйрăмĕ тата Пĕтĕм Раççейри Флота пулăшас юхăм йĕркеленĕ.
Пĕтĕмĕшле кăтартусем тăрăх аслă ушкăнра пирĕн районти Раççей Паттăрĕ Н.Ф.Гаврилов ячĕллĕ Янкăлч вăтам шкулĕн команди иккĕмĕш вырăна тухнă. Уйрăм вĕренекенсем хушшинче çак шкулăн кадечĕ С.Васильев чи тĕл перекенни пулса тăнă.
Пирĕн çамрăк ентешсен çитĕнĕвĕ тăван шкулĕ 130 çул тултарнă ятпа хăйне евĕр парне пулчĕ.