16 февраля 2011 г.
Хурчка – çăткăн вĕçен кайăк. Хĕл кунĕсенче вĕсем те выçăпа аптăракалаççĕ. Çавăнпа та чĕнмен хăнасем ялалла васкаççĕ, кил-хуçалăхра шыранаççĕ. Нумаях пулмасть çак кайăк кÿршĕсен кил-картине илĕнни çинчен илтрĕм.
Хурчка вĕсен чăх витине кĕме тытăннă иккен. Каçсерен çак "вăрă-хурах" чăхсене тустарнă, шуйхатнă, ир енне вĕлерсе хăварнă. Ниепле те тытма май килмен ăна.
Пĕр кунхине çанталăк сивĕ пулнăран-ши чăх витине Хураçка кĕрсе выртнă пулнă. Ăшăнса çывăрсах кайнă вăл. Кил хуçи тавралăха каç сĕмĕ çапсан алăка хупса хăварнă. Каçхине витере шăв-шав пуçланнă. Кинемей чупса тухнă та вите алăкне уçса янă, Хураçка чĕнмен хăнана çапса антарнă иккен. Ямăт какай çиесси пĕтнĕ текех çак хурчкан.
Алиса ПАВЛОВА. Çеçпĕл шкулĕ.