16 февраля 2011 г.
Çеçпĕл Мишши ячĕллĕ Шăхасан вăтам шкулĕнче районти "Çамрăксен команди-2011" активăн аслă пухăвĕ иртнĕ. Унăн ĕçне район администрацийĕн пуçлăхĕ В.Софронов, "Единая Россия" политика партийĕн районти ĕçтăвкомĕн ертÿçи А.Степанов, "Молодая гвардия Единой России" пĕрлĕхĕн Чăваш регионĕнчи штабĕн членĕ А.Львов, районти шкулсенче вĕренекенсем хутшăннă.
Пухăва йĕркелекенсем каланă тăрăх, çакăн евĕрлĕ мероприятисем çамрăк ăрăва патриотизма аталантарма тата гражданла тивĕç яваплăхне ÿстерме пулăшаççĕ. Каччăсемпе хĕрсене çамрăк гвардеецсен ретне илчĕç. "Общество пуласлăхĕ çамрăксенче. Темиçе çултан пирĕн республикăна, çĕршыва активлă, ăслă çамрăксем малалла аталантарĕç", – тенĕ райадминистраци пуçлăхĕ В.Софронов çамрăксене çирĕп утăм тунă ятпа саламласа.