Публикации » Еткерçĕне куçать

11 февраля 2011 г.

Пилĕк çул каялла вилнĕ çыннăн вăл ĕçленĕ вăхăтра пенси валли пухăннă укçине илме пулать-и;

С.ПЕТРОВА.

Çын ĕç пенсийĕн пухăнса пыракан пайне хăйне памалла тăвиччен вилсен çав укçана тата ăна инвестицилесе илнĕ тупăша ирĕке йышăнакансене (правопреемниксене) параççĕ. Страхланă çын пурнăçран уйрăлнă хыççăн унăн лицевой счетĕнче тивĕçлĕ сумма пулсан кăна тÿлеççĕ. Ирĕке йышăнакансен шутне гражданин хăйĕн заявленийĕнче кăтартнă çынсем кĕреççĕ. Енчен те унашкаллисем çук тăк – тăванĕсем. Тÿлеве ыйтса Пенси фончĕн кирек хăш территори органне çын вилнĕренпе 6 уйăх иртиччен заявлени памалла, асăннă вăхăт иртсен суда тавăç тăратма тивет. Енчен те страхланă гражданин 2005 çулхи çу уйăхĕн 23-мĕшĕччен вилнĕ тĕк ирттерсе янă срока сăлтавлас тесе суда каймалла мар.