11 февраля 2011 г.
Çак мăшăра Шăхасанта кăна мар, районта та питĕ лайăх пĕлеççĕ, уйрăмах шкулта ĕçлекенсем. Счетчиковсем пĕрле 56 çул пурăнаççĕ ĕнтĕ. Анатолий Григорьевич Комсомольски ялĕнче çуралнă. Çеçпĕл Мишши ячĕллĕ Шăхасан вăтам шкулĕнче 46 çул ачасене математика вăрттăнлăхĕсене пĕлме пулăшнă, Раççей Федерацийĕн халăха вĕрентес ĕç отличникĕ. Зоя Ефимовна – Патăрьел районĕнчи Кĕçĕн Арапуç хĕрĕ, 40 çул çамрăк ăрăва вырăс чĕлхипе литературине юратма вĕрентнĕ, нумай наградăна тивĕç пулнă.
Нарăс пуçламăшĕнче Анатолий Григорьевичпа Зоя Ефимовна хăйсем вĕрентнĕ А.Смирновпа тĕл пулчĕç. Анатолий Алексеевич çар училищинчен вĕренсе тухнă, ракетăсен çарĕнче службăра тăнă, подполковника çити ÿснĕ. Чылай вăхăта пычĕ вĕсен калаçăвĕ, аса илмелли, каласа памалли вара вĕсен тем чухлех пулчĕ.
В.АЧЧА сăн ÿкерчĕкĕ.